Dos notifikashon di bòm riba avion yegando Aruba

206

Oranjestad—Outoridat  hudisial i di siguridat na èrport di Aruba huntu ku Ofisina di Katástrofe i Servisio di Bombero, ayera a opta pa para diferente buelo na Aruba, despues ku tabatin notifikashon di bòm riba dos avion di e aereoliña di Sun Wing prosedente di Canada.

Esaki ta lokual reportero di 24ora.Com Speed Andrade a relatá ayera via di nan transmishon bibu di Facebook. Segun e relato, ayera tabatin dos notifikashon di bòm, pero no na momento e avion tabata na Aruba sino na momento ámbos tabata yegando Aruba.. Esaki sr Hermans, komandante di bombero na Aruba a duna di konosé. Segun e hefe, mester a investigá ámbos avion unda mester a para buelo nan miéntras polis mester ehersé e proseso di listramentu. Te ku ayera polis ta investigando e kaso.