Hóben a presentá na un kas indikando ku e no kier bai su kas mas

567
Willemstad— Polis a haña nan ta guia un hóben pa su kas despues di a presentá na un  otro adrès indikando ku e no kier bai kas mas.

Habitantenan di un kas den Venezuelaweg a pidi asistensia polisial pa un persona no deseá ku a presentá na nan kas. Na yegada di Polis nan a bin topa ku un menor di edat na e kas. E habitantenan a splika ku e hóben a presentá na nan kas i a splika nan ku e no kier bai su mes kas mas. E la duna algun splikashon kiko tabata e motibu. Polis mesora a hasi e hóben algun pregunta na unda e ta biba i a bin resultá ku ta den e bario di De Savaan. A hink’é den vehíkulo polisial bai su kas kuné na unda e splika su mayor di loke a kaba di tuma lugá. E mayor a splika e polisnan ku e yu su komportashon sin mas ta laga hopi di deseá. Polis a atendé e hóben tambe riba su komportashon.