Trai Seru ta komandá den Minor i Little League

Willemstad,– E kompetenshanan den Minor League i Little League Liga Pariba a kontinuá na Sabana Ballpark kaminda den nos edishon di ayera nos a publiká kaba e resultado di Little League kaminda den e lucha entre e dos ekiponan invikto, Trai Seru tabata esun ku ta logra mantené su invikto den 13 wega ganando di Montagne Aruiba 3-1. Den e kategoria di Minor tambe Tra’i Seru ta keda komo number unu ku 10 wega gana i 2 pèrdí.

MINOR LEAGUE
Pa loke ta e kampionato di Minor League den e promé wega e ekipo di Monragne Ariba  ta logra viktoria ku skor di 15 pa 4 riba Brievengat B. Pa Montagne Ariba 15 kareda, 7 hit i 1 eror. Jiondry Meyers gana i na bate Marcelo Ortega a  a bai di 3-3 i Jurion Eugenia di 1-1. Pa Brievengat B 4 kareda, 2 hit i 4 eror. Zion Cijntje a pèrdè i na bate Tiago Sulbaran a bai di 1-1.

SANTA ROSA – MONTAGNE ABOU 1
E ekipo di Santa ta logra viktoria ora ku nan derotá e ekipo di Montagne Abou den tremendo partido ku skor di 2-1. Pa Santa Rosa 2 kareda, 4 hit i 2 eror. Ayden Calmes a gana i na bate i Michael Cordilia  a bai di 1-1. Pa Montagne Abou 1 kareda, 1 hit i 0 eror. Shaheem Davelaar a pèrdè i na bate Tayrino Bautisma a bai di 2-1 ku e úniko hit konektá pa su ekipo.

TRAI SERU 4 – BRIEVENGAT A 2
E ekipo di Trai Seru ta gana Brievengat A ku skor di 4 pa 2 den un wega hopi pareu. Pa Trai Seru 4 kareda, 2 hit i 0 eror. Jeadyon Chrino a gana i na bate Jeadyon (yu di Lando Chirino), mes a bai di 2-1 huntu ku Lodymar Cathalina kende tambe a bai di 2-1. Pa Brievengat A 2 kareda, 1 hit i 2 eror. Djevan Jansen a pèrdè i na bate  Dwayne Isenia a bai di 2-1.

DJADUMINGU

MONTAGNE ABOU 10 – TRAI SERU 7
E ekipo di Montagne Abou a sòru pa un sorpresa ora ku nan derota e ekipo di Trai Seru A ku ta na kabes den Minor League ku skor di 10 pa 9 den un wega di hopi emoshon. Pa Montagne Abou 10 kareda, 7 hit i 2 eror. Jozefer Obispo a gana i na bate Juniel Mercera a bai di 3-3 i Joshendelmar Doran di 2-2. Pa Trai Seru 9 kareda, 3 hit i 2 eror. Quasin Rojer a pèrdè i na bate Quasin Rojer i Lodymar Cathalina kada unu a konbektá 1 hit den 2 turno na bate.

BRIEVENGAT A 11 – TRAI SERU B 1
E ekipo di Brievengat A den e último wega di minor League di siman, ta suta e ekipo di Trai Seru B pa medio di nòkout ku skor di 11 pa 1. Pa Brievengat A 11 kareda, 11 hit i 0 eror. Jayden Elisabeth a gana i na bate Djevan Jansen a bai di 2-2. Pa Trai Seru B 1 kareda, 2 hit i 2 eror. Jesus Hidalgo Pinto a pèrdè i na bate Jeavey Felicia a bai di 1-1.

LITTLE LEAGUE
Den e kategoria di Little League tabatin dos wega kaminda Trai Seru a gana Montagne Ariba 3 pa 1 i e ekipo di Montagne Ariba a bini bèk siguiente dia pa derotá e ekipo di Montagne Abou ku e skor di 4 pa 1.

TRAI SERU 3 – MONTAGNE ARIBA 1
Den e edishon di ayera nos tabatin e resultado di e wega aki, pero awe nos kier pone e sifranan ofisial di e partido. Pa Trai Seru 3 kareda, 4 hit i 2 eror. Nathaniel Cijntje a gana tirando 12 ponche miéntras ku na bate Nathiel Cijntje mes a bai di 2-2 huntu ku Rushano Petronia kende a bai di 1-1. Pa Montagne Ariba 1 kareda, 1 hit i 0 eror. Rubiorne Manuel a pèrdè tirando 9 ponche i na bate Angemar Raiz a konektá e úniko hit pa su ekipo den 3 turno.

MONTAGE ARIBA 4 – MONTAGNE ABOU 1
E ekipo di Montagne Ariba despues di a pèrdè un dia promé ta bini bèk i gana di su rumannan di Montagne Abou ku skor di 4 pa 1. Pa Montagne Ariba 4 kareda, 4 hit i 2 eror. Givian Sirvania a gana i na bate Givian Sirvania mes a bai di 2-1. Pa Montagne Abou 1 kareda, 6 hit i 1 eror. Johaimry Balentina a pèrdè i na bate Johaimry Balentina mes a bai di 3-2.

KONTINUASHON:
E weganan den kategoria di Minor League i Little League ta kontinuá djasabra i djadumingu awor ku weganan hinter dia na Sabana Ballpark i parke Ricardo Elhage ku ta keda patras di e mesun Sabana Ballpark, pues djis pega banda otro, weganan di Minor i Little.