Maduro ta realisá ehersisio pa un posibel konflikto armá

143
Maduro, dirigiendo su mes na e militarnan.
CARACAS – E presidente di Venezuela, Nicolas Maduro, a kabesá den oranan di djadumingu tras di lomba, algun maniobra ku kua el a mustra su konfiansa na sòldánan. Esaki miéntras ku oposishon ta rekoré sitionan pa asina entregá esnan uniformá di e pais e teksto di un lei ku kua nan ta buska pa deskonosé e mandatario.

Despues di a kaba ku maniobranan na Fuerte Paramacay, ubiká na e lokalidat di Naguanagua di e estado sentral di Carabobo, Maduro a aserká militarnan ku a partisipá den e ehersisionan i a sigurá ku opositornan ke ‘pa forsa armá kombertí nan mes di golpista’.Seguidamente, el a puntra esaki nan si nan ta konstitusionalista i anti imperialista i esaki nan den koro a sa di respondé ku no.Despues di a skucha esaki nan su kontesta, Maduro a grita ‘traidor nunka, leal semper’, slogan ku kua e ta usando resientemente i ta usa ku frekuensia.

E oposishon venezolano a inisiá den oranan di djadumingu último ku un kampaña pa asina yega na e militarnan i agentenan polisial di e pais, un teksto di un leu ku a keda aprobá resientemente pa Parlamento, unda ta konta ku un gran mayoria i ta buska pa deskonosé Maduro.Por a konstatá ku e dokumento aki a keda entregá na vários sitio di Caracas i ku den algun kaso, e militarnan a destruí e material aki. Sinembargo i despues di su bishita na Paramacay, Maduro a sigurá ku e ta bai karga su energia i konfiansa pleno den e ehérsito bolivariano.

Esaki den mesun rosea a pidi esaki nan pa prepará nan mes pa e ehersisionan di mas importante den e historia di 200 aña, sin ku a indiká fecha pa esaki nan.Di otro banda, Maduro a anunsiá djabièrnè siman pasá ku e gobièrnu lo realisá na luna di febrüari próksimo, algun ehersisionan militar. El a señalá ku tur esnan ku stima nan patria mester ta kla pa defendé esaki.