Mas di 100 arma entregá den un siman

123
akshon pa entregá arma ta duna resultado
ROTTERDAM—E akshon di entrega di polis i OM na Rotterdam a generá den e prome siman mas di 100 arma.

Bou di nan tin 24 arma kandela. E intenshon di e akshon ta pa baha ake kantidat di armanan di kandela den Rotterdam i serkania. Esun ku entrega nan arma no mester tin miedu ku e ta keda persigui pa poseshon di arma ilegal. En prinsipio por entrega e armanan na wardanan di polis na Rotterdam, Schiedam, Capelle, Spijkenisse òf Dordrecht. Si ta trata di arma kandela mester yama polis ku ta bin buska e arma. Banda di 24 armanan di kandela a haña diferente arma blanku i spada. Polis ta kontentu ku e reakshon pero redukshon di poseshon di arma ta trata algu mas. Ta sifranan bunita pero e resultado ta mas amplio. Pa kita tur arma for di kaya mester bini kambio den normanan. No ta normal pa karga arma ni tòf tampoko. Poseshon di arma ta kondusí na uso di arma i uso di arma konose solamente perdedonan.