Partidó di lechi ta salba bida di beibi di 4 luna

88
Momentu ku e hòmber a sa di salba bida di e beibi.

BEIJING – Un hòmber partidó di lechi, identifiká komo Li Gang, a konbertí su mes den un héroe. Esaki despues ku Li a sa di reskatá un beibi di kuater luna di bida ku kasi a kai for di un terser piso di un edifisio aya na China.

E momentu eksakto a keda grabá i rápidamente a keda mundialmente mirá riba retnan sosial.

Tur kos a sosodé na momentu ku Gang tabata hasiendo su trabou diario di un supermerkado. Un muhé a drenta e lokal komersial koriendo i splikando di un forma desesperá ku un mama tabata pegá den un bentana ku un beibi i serka di kai. Tur esaki aparentemente den intento di hui for di un kandela.

Gang i otro personanan ku tabata kuné, a sali i kore bai te na e sitio ku nan a keda indiká. Aki a haña un mama hóben huntu ku su beibi na rant un balkon di un edifisio kompletamente na kandela.

Ámbos tabata keda tapá pa e kantidat di huma ku tabata sali for di e kamber na kandela, for di kua nan tabata intentá di hui.

E hòmber mesora a aktua, usando su vehíkulo komo trapi, pa asina logra subi na e balkon di e segundo piso i ku yudansa di su otro dos koleganan, nan a bai intentá salba e beibi.

Na momentu ku e mama, Wang Zhimin, tabata pretendé di entregá su yu na Gang, e klechi den kua e yu tabata lográ a habri i a laga e beibi bai kai den bashí. Sinembargo, e hòmber a logra gara esaki i salba su bida.