Retiro na RdK ta kontra di prosedura

556
Chonki De Lannoy
Punda–  E dos empleadonan na RdK, kende a risibí nan karta di retiro, Kinburn i Cijntje, por benefisiá for di un prosedura ilegítimo ku a tuma lugá durante e proseso pa yega na e desishon di retiro. Den un karta, dirigí na ámbos empleado, nan a haña oportunidat pa reakshoná promé ku 1 di febrüari.

Direktor di Refineria di Kòrsou (interino), Marcelino Chonki De Lannoy a wòrdu konsehá pa Hunta di Komisario pa duna retiro na Cijntje i Kinburn. Pero ámbos empleado nunka no a risibí e rapòrt den nan man pa por a diskutí ku nan konseheronan legal. Pa por a hasi esei, nan mester a bai sinta den un lokalidat i “fia” un rapòrt ku pa kolmo no ta unu definitivo. E prosedura ta kontradesí reglanan di bon maneho i awor tantu Cijntje komo Kinburn ta den un posishon fuerte, miéntras e kompania kende a investigá e rapòrt a firma un akta pa indemnisá nan mes (vrijwaring) kontra di konsekuenshanan hurídiko.  Pa lokual ta trata Rodercik van Kwartel, Hunta di Komisario ainda mester atendé ku akshonista riba su desishon final.