Agrupashon musikal Reinan di Kaya a drenta den studio di grabashon

283
Nan ta drentando den studio di grabashon.

WILLEMSTAD,—-E agrupashon musikal den ámbito di Kòmbèk Reinan di Kaya tin plan nan hopi serio pa ku farándula di Kòrsou, nan plan ta asina serio te ku nan ta drentando den studio di grabashon pa ku nan promé Disko Kompakto nobo ku 8 piesa ariba.

Di informashon ku nos ta disponé di dje ta ku siman pasa e banda nobo den ámbito di Kòmbèk a dal bon den un fiesta bailabel. E formashon musikal tin algun toka pendiente esaki ta nifiká ku tur otro agrupashon musikal mester tene hopi kuenta ku e banda nobo Reinan di Kaya ku ta kla pa pone tur bailadores move riba nan tono musikal.

Kòrda ku nos a anunsiá for di awe ku despues di temporada di Karnaval E banda nobo Reinan di Kaya su Disko Kompakto ta riba merkado. I ku nan ta kla pa drenta den nos farándula pa keda, esaki ta nifiká ku nos ta bai sigui vigilá e banda nobo aki ku wowonan di falki.