Miembronan di SITEK momentu ku tabata reuní ku e maestronan
Stenenkoraal- Maestronan di skol huntu ku sindikato SITEK a reuní ayera mainta na nan sede. Esaki despues ku djamars mester a tene e reunion ku maestronan di DOS i a kanta akshon.

Ayera mainta na momentu di e reunion a bin hopi puntonan dilanti ku tin ku keda atendé i ku no ta limpiesa na skol so. Hopi aña tin maestronan ta warda pa keda balorá i tambe ku nan por bai dilanti den nan bida hañando insentivo. Ta diferente puntonan tin ku a keda trese dilanti ku mester atendé kuné, manera entre otro falta di material na skol, situashon di limpiesa i tambe falta di ekipo i asina tin mas. Despues ku maestronan a reuní huntu ku nan sindikato nan mester a bai den grupo pa asina trese nan prekupashonnan dilanti. Ku esaki nan tur a keda pone huntu i miembronan di e sindikato mester a akudí den oranan di mèrdia na Konseho di Minister. Durante di un reunion ku Konseho di Minister a trese tur e demas puntonan dilanti ku ya nan tin años ta warda riba dje pa keda atendé. Den oranan di ayera nochi na momentu ku presidente di Sitek a presentá e proposishon na e grupo di núkleo esakinan mester a rechasá e proposishon di Gobièrnu. Ku esaki ta pone ku akshon ta sigui i esaki lo intensive. Djabièrnè Gobièrnu lo duna e sindikato Sitek un kontesta di loke ku nan a entrega na Gobièrnu komo puntonan ku mester atendé kuné. 3 hurista lo pasa den esaki pa asina por tuma un desishon i trese esaki dilanti na e sindikato. Ku esaki ta nifiká ku akshon ta sigui. SITEK ta hasi un apelashon na tur maestro pa nan tei awe mainta mitar di ocho na sede pa reuní.