Hóben (14) ta bai skol ku arma kandela

110
hóben i su mayornan detené
ROTTERDAM—Un hóben di 14 aña di Rotterdam a keda detené djaluna pasobra el a bai su skol sekundario ku un arma di kandela.

Djaluna mainta e mama di e hóben a mèldu serka un funshonario di e skol na Rotterdam. El a konta ku posiblemente e yu a kue un arma na kas i bai skol ku esaki. E skol a yama polis mesora. Agentenan a saka e alumno i un otro for di klas pa listra nan tasnan. Den tas di e alumno di 14 aña a haña un arma di kandela. A detené e dos hóbennan i mayornan di esun di 14 aña. Polis ta investigando di ken e arma ta. Bosero polisial ta bisa ku seguramente ta trata di un arma ilegal.