Hòmber rabiá ta bati outo ku staka di kurá

942
Willemstad— Polis mester a bai den aria di Montaña Abou pa un kaso di destrukshon i tambe menasa.

Tabata den oranan di mainta a pidi presensia di Polis ku urgensia den Kaya Klemok na Montaña Abou pa un tipo ku tabata bati un vehíkulo ku un pida heru. Polis a bai  mesora na e sitio pero na yegada  no a bin topa ku e sospechoso pero si un vehíkulo ku basta daño. A bin resultá ku e vehíkulo aki ta pertenesé na e dama ku e sospechoso lo tabatin un relashon kuné.  E dama  na e momento ei tabata trahando a bin serka Polis i a splika nan ku enbèrdat e hòmber ku e tabatin un relashon kuné a destruí su vehíkulo. E hòmber no por biba ku e notisia ku ya e relashon a terminá. E Hòmber na vários okashon mester a menasa e dama ku e lo destruí e vehíkulo i tambe sende esaki  na kandela. Den oranan di mainta e hòmber a presentá i ku un pida heru mester a kuminsá bati e vehíkulo  di e dama kousando basta daño na e outo. E la destruí e winshil padilanti i tambe a kusa daño na e tapa di mashin. Despues di su akto e la bandoná e sitio. Miéntras ku Polis tabata atendiendo e kaso di destrukshon  e hòmber mester a bèl i a kuminsá ta menasa e dama ku morto. Polis a splika e dama ku e tin ku bai warda di Polis pa asina por entrega un denunsia.