Hulanda un dje paisnan ménos korupto segun Transparency International

71
Hulanda na number 8 di paisnan ménos korupto; Hulanda no ta tuma korupshon sufisiente serio
AMSTERDAM—Ainda Hulanda ta pertenesé na un dje paisnan ménos korupto den mundu, na number 8 di e lsita di supervisor Transparency International.

Ku Hulanda no ta mas ariba riba e lista ta pasobra e ta skore abou pa kalidat di demokrasia i estado di derecho. Hulanda apesar di rekomendashonnan i konsulta antikorupshon di Europese Raad (GRECO), no a logra progreso riba e punto. Hulanda no ta tuma korupshon sufisiente serio. I esaki ta  malu pasobra konfiansa di siudadano den gobièrnu ta baha i un sistema demokratiko swak ta menos ekipá pa kombatí korupshon segun Paul Vlaanderen di TI Hulanda. Segun e organisashon Hulanda no ta hasi sufisiente pa prevení ku empleadonan públiko i politikonan ta hasi mal uso di nan outoridat pa propio interesnan. Asina Eerste Kamer mes kier investigá violashonnan di integridat, manera konflikto di interes. Konseho Oropeo ta haña ku Eerste Kamer mester kontratá un supervisor eksterno pa e investigashonnan aki. E registro di regalo tampoko ta sufisiente diligente. Ora Transparency International ta traha e lista anual  ta wak korupshon den sektor públiko. Eskpertonan ta wak si tin libertat di prensa i kuantu kastigu ta duna un mandatario pa soborno. Dinamarka ta den tòp di e lista, sigui pa Nueva Zelandia, Finlandia i Singapore. Ounke ningun pais ta sin korupshon e paisnan den tòp tin karakteristikanan similar: sektor publiko, liberdat prensa, siudadano i sistema hudisial independiente. Pa di 12 aña konsekutivo Somalia ta sera e lista, sigui pa Siria i Sudan (sur).