Intimidashon kresiente den kuido

139
mas ku 50% trahadónan den kuido ta keda intimidá pa pashèntnan
AMSTERDAM—Intimidashon den kuido ta un problema serio. Organisashonnan den e sektor ta bisa ku ta atende ku e problema pero sin resultado.

Mas di 50% di trahadónan sosial i enfermeronan ta keda konfrontá ku intimidashon di klientenan òf pashèntnan. E situashonnan indeseabel na boka di trabou ta varia hopi. Di insulto, gritamentu, palabra malu te mishimentu. Konsehero den kuido Arends ta di opinion ku e komportashonnan aki di kliente òf pashènt ta inaseptabel. E problema ta serka klientenan ku problema sikologiko tambe, algu permanente, i tòg e kliente/pashènt mester di yudansa. E organisashon ku ta sali na defensa di e profeshonalnan den kuido ambulante a start kampañanan di konsientisashon den pasado i ta papia ku gabinete na mihó areglonan. Algun aña kaba trahadónan ta hasi denunsia anonimo, segun asosashon di hospitalnan hulandes.