Kiebro un biaha mas i ku basta destrukshon den e snèk na Playa Kenepa

722
Ta kasi tur karni a hisa bai kuné.

Willemstad— Polis di Banda Bou i tambe e tim Forensiko mester a bai un biaha mas na e snèk na Playa Kenepa pa otro kiebro i basta destrukshon.

Antisosialnan den oranan di mardugá un biaha mas a presentá na Playa Kenepa unda a bai na e snek i a kousa basta destrukshon na e porta di heru pa asina por a drenta den e edifisio. E biaha aki asta a saka kasi henter e porta for di e kozein di heru pa asina por a bai paden. Siendo paden a habri asta e bentana nan pa asina saka delaster un merkansia ku tabatin warda den e snek. Esaki a pone ku e gerente ku ta manehá e snek na Kenepa a sufri un pèrdida basta grandi. E kaso ta den investigashon.