Sontje Inees ta e basista nobo di Dolce Banda

176
E basista nobo di Dolce Banda.
WILLEMSTAD,—-Normalmente ta despues di temporada di karnaval ta tras di lomba i ku drenta e temporada di Kuaresma, e moveshon nan ta kuminsá den nos farándula lokal.

Pero tur kos ta indiká e aña aki den temporada di Karnaval mes tin algun moveshon ta tumando lugá i ta bai tuma lugá tambe. Di informashon ku a drenta na mesa di redakshon di ‘E Mulina’, ta bisa ku Sontje Inees ta e basista nobo di Dolce Banda.

Ya for di siman pasa nos a trese e informashon ku Giordano Van Aanholt no ta forma parti mas di Dolce Banda, esaki a pone mes ora ku gerente di e banda ariba menshoná a aktivá i buska un basista nobo. ‘E Mulina’, a drenta den kontakto ku Clifford Martina ku ta gerente di Dolce Banda i nos a bisé di e informashon ku nos ta disponé di dje rondó e Sontje Inees ku e ta boso basista nobo, mes ora Clifford Martina a kontesta nos ku “Si bo informashon ta kuadra ku bèrdat. Ya Sontje a kuminsá move ku Dolce, i e ta sintié na kas den e famia di Dolce”.

Pues Sontje Ineens ta e basista nobo di Dolce Banda ku ta den full preparashon pa ku festival di Tumba 2019, nan ta presentá djarason komo banda number sinku. Esaki ta nifiká ku Dolce Banda ta keda den gran forma i mas importante ku e sabor a keda mes un kos.