Stichting WGK ta firma akuerdo ku St. Eustatius

166
Willemstad – Djaluna último  Stichting Wit Gele Kruis voor Thuiszorg “Prinses Margriet” (Stichting WGK) a firma un akuerdo di kolaborashon ku St. Eustatius Health Care Foundation.

 

E dos organisashon lo traha huntu riba e áreanan di edukashon, kalidat di kuido i interkambio di trahadónan. Ademas, St. Eustatius Health Care Foundation a firma un akuerdo ku WGK Academy pa treinen di 25 enfermero di e fundashon. WGK Academy a wòrdu establesé den mart 2018 dor di Stichting WGK en kolaborashon ku Breederode Hogeschool, pa ofresé edukashon na enfermeronan.