Tata ta morde krokodel pa reskatá su yu hòmber

160
E hòmber mordiendo e animal a logra salba bida di su yu hòmber.

FILIPINA – Mayornan normalmente ta kapas di hasi asta loke ta imposibel pa asina nan yunan no sufri. Esaki tabata e kaso di un tata ku inkluso a disidí di morde un krokodel den intento di salba bida di su yu.

Un hòmber a konfrontá un krokodel ku tabata intentá di lastra su yu hòmber di 12 aña bou di awa na Balabac, batiendo esaki i mordiendo esaki na vários okashon te na momentu ku el a laga e yu bai.

E atake a keda registrá miéntras ku e hobensitu identifiká komo Diego, tabata landa huntu ku su ruman chikí den un riu. E animal a paresé direpente i a morde e hóben na altura di su man robes i a kuminsá lastra esaki bai kuné direkshon awa.

Na momentu ku Diego tabata forsegea i intentá di liberá su mes, su ruman chikí a kore bai kas i avisá su mayornan. E tata di ámbos inmediatamente a aserká su mes na e sitio i sin duda niun momentu a gòlpia e animal na su kabes. Sinembargo, mirando ku esaki no a yuda, e hòmber a kuminsá morde e parti moli nan di su patanan, provokando ku el a kuminsá sangra.

Finalmente e animal a laga e mucha bai i a bai disparsé bou di awa. Diego a pasa dos anochi den un sentro médiko promé ku pro a regresá bèk kas i a keda ku vários sikatris di e leshonnan grave ku el a sufri.

Atakenan di krokodel ta hopi komun na e parti sùit di Palawan, unda ta básikamente e bibienda di krokodelnan di awa salu. Den e último añanan a denunsiá vários atakenan di krokodel, mayoria lamentablemente mortal.