Akuerdo riba grasia pa muchanan ilegal

135
lidernan Jetten (D66) i Buma (CDA) huntu ku Dijkhoff (VVD)
DEN HAAG—E kuater partidonan di koalishon VVD, CDA, D66 i ChristenUnie a logra un akuerdo riba e grasia pa muchanan ilegal (kinderpardon).

Ta bini un areglo amplio pa e kasonan eksistente di mayornan ku yunan no tin derecho riba permit di estadia. E areglo mes ta keda terminá entrante ayera segun sekretario di estado Harbers. Henter e grupo, ku ta 700 mucha, lo keda evaluá di nobo. Espektativa ta ku 90% di nan lo por keda. Pasobra no por deporta e mayornan mas, e total lo alkansá 1300 mucha ku mayornan. Ta bai traha riba un Sistema kaminda no ta duna hende speransa riba un permit, ku no tin derecho riba dje segun Harbers. Mester kumpli ku lei i hues i no pensa pasobra a buska atenshon di prensa ku bo ta keda. Hefe di Imigrashon lo haña outoridat diskreshonario enbes di sekretario di estado Harbers. E servisio lo haña èkstra fondo pa aselerá proseduranan. Traspaso di refugiadonan boluntario for di teritorionan di guera ta pasa di 750 pa 500. Tweede Kamer a debate riba e akuerdo ayera.