Dama ta fayesé dilanti su kas; yu detené

87
yu (28) ta mata mama (64) na Kaatsheuvel
KAATSHEUVEL—Den anochi di djamars pa djárason polis a bin haña un dama morto dilanti su kas den Jan de Rooijstraat na Kaatsheuvel.

E yu hòmber di e víktima di 28 aña a keda detené. Segun polis ku a haña tep di e situashon sospechoso, e dama a muri bou di sirkumstanshanan violento. E yu ta keda sospechá di asesinato òf homisidio segun polis. Alrededor di 4:00 polis a haña un melding di un konflikto den e kaya riba kua diferente unidat a reakshoná. E agentenan a haña e dama morto den su kura di kas. Polis ta kere ku ta trata di e habitante di e kas di 64 aña, pero su identidat no a keda determiná ofisialmente. Den mesun kas tabata keda un dama di 25 aña ku su yu di 6 luna. Investigashon di polis ta indiká ku ta trata di yu de e víktima i alabes eks di e dama ku tabata keda serka e víktima. El a drenta den e kas anteriormente. Djis prome ku polis a yega e sospechoso lo a hui den un outo pero a keda detené alrededor di 4:40 riba distansia di 2 kilometer for di e sitio kaminda a haña e víktima. Burgemeester Aart di munisipio Loon op Zand a ekspresá kondolensia na famianan. Ta algu horibel loke a sosodé. Lo sòru pa asistensia pa bisiñanan. Polis a start un investigashon mientras ta tende testigunan.