Ronaldo Abrahams sigur lo no tabata kontentu ayera na momentu ku un grupo basta grandi di polis a entrega karta di retiru na NAPB.
Willemstad,– Presidente di NAPB señor Ronaldo Abrahams a bisa ayera ku nan komo sindikato

NAPB no tabata presente na SSK pa e echo ku nan tabatin un reunion plania ku minister di hustisia pa ayera mainta. E ta bisa ku e reunion ku minister tabata pa trata diferente punto i ku e  reunion mester a tuma lugá for di siman pasa, pero despues di a warda mas ku un ora riba minister, nan a tuma desishon di bai numa.

Señor Abrahams ta bisa ku for di djarason tabatin plania pa reuní ku mester i a urgí minister pa a kanselá a reunion di djarason pa pone e reunion ayera i ayera mainta minister a yama pa e reunion.

Tambe a sosodé algu ayera ku sigur mester ta un sla pa e sindikato NAPB na momentu ku un grupo grandi di polis ku tabata den akshon i ku tabata miembro di NAPB, a disidí ku na e momentu ei mes, nan ta firma un karta i a entregá esaki na e presidente di NAPB, pa splika NAPB ku nan no ta miembro mas di e sindikato i ta pasa over pa bira miembro di SAP, esaki sigur tabata un momentu ku por a tuma nota di e ekspreshon riba kara di señor Abrahams ku no tabata masha kontentu. Segun e polisnan e sindikato NAPB no ta Sali na nan interes i mas bien ta na banda di nan dunadó di trabou, siendo ku e sindikato mester ta semper na banda di e trahadó.