Dòkter di kas ta haña 5,5 aña kastigu pa inmoralidat i grabashon di pashèntnan

55
despues di 5 aña dòkter di kas pedofil por sigui traha
DEN HAAG—Maarten B (38), un dòkter di kas di Leiden, a tende un kastigu di 5,5 aña i tratamentu obligatorio den korte na Den Haag.

Esaki pa entre otro inmoralidat ku su yu muhé i pashèntnan menor di edat. Korte na Den Haag a haña tur akusashon di Ministerio Públiko kontra B probá. E ta haña un prohibishon pa ehersé su profeshon di 5 aña. E kastigu ta algu menos ku OM pone den su demanda. Esaki pasobra un dje akusashonnan kontra amiga di su yu no tabata proba segun hues. E hòmber a traha material pronografiko. Parti di esaki a keda traha den su praktika di dòkter na Schiedam i Amstelveen. B a komete inmoralidat tantu ku su yu muhé komo esaki su amiganan. Ela bisa den korte ku e no ta korda nada. Tambe el a ninga tur akusashon. E aktonan inmoral a tuma lugá entre 2010 pa 2017.