Hòmber arestá ku basta droga na kas den De Savaan

Ta sospech’é di ta bula drone den aria di Piskalat

243
E kas na De Savaan unda a bai pa detené e sospechoso.
Willemstad—– Durante di un entrada hudisial den un kas den e bario di De Savaan a logra di detené un hòmber i tambe a konfiská un kantidat di droga i tambe un drone. Ta sospecha ku e drone aki ta ser usa pa baha droga den prizòn.

 

Djaweps 31 yanüari 2019, den oranan di mainta Tim di reshèrshe VVC a tene entrada hudisial na un kas den área di De Savaan. E entrada hudisial aki ta den kuadro di un investigashon penal ku ta andando relashoná ku un kaso di violashon di lei di opio.

I a haña i konfiská un kantidat di droga, telefon i un ‘Drone’.

En konekshon ku esaki polis a detené un hòmber sospechoso J.U.C. nasé na Kòrsou, di 21 aña di edat.

A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.