Maestronan di skol a subi kaya i akshon ta kontinuá

77
Palu Blanku- Ayera den oranan di mainta maestronan di skol a sigui den nan akshon. Despues di a reuní mainta na SITEK nan mester a disidí di subi kayanan di Kòrsou.

E maestronan a disidí di blòkia e rotònde na Plasa Hariri i algun área mas kaminda nan a kuminsá ku manifestá na mal kontentu ku bòrchinan, kanto i tambe basora, skòp i mòp. Asin’aki nan ke ilustrá nan mal kontentu enkuanto puntonan ku mester keda atendé. Awe djabièrnè maestronan di skol lo reuní un biaha mas na nan sede pa asina warda riba e desishon di minister pa loke ta trata e promoshon di dosente A pa B. Ku esaki ta nifiká ku akshon ta sigui i ku e maestronan lo bolbe reuní awe mainta na SITEK pa mitar di ocho.