Outo na kandela den Saliña

272
Willemstad—-   Korto sirkuito a kousa kandela den motor di un vehíkulo ayera den oranan di   mainta na Saliña.

Ayera den oranan di mainta a pidi presensia di Pagadónan di kandela pa presentá mas lihé den Saliña pa un vehíkulo ku tabata na kandela. Bomberonan ku a logra di yega na e sitio a bin topa un vehíkulo na kandela. E kandela tabata konsentrá mas tantu na e parti di motor. Mesora a kuminsá ku e trámitenan pa asina por a dominá e kandela. A bin saka fo ku ta un korto sirkuito a surgi den e parti di e motor ku a kousa e kandela. Despues ku a logra di dominá e kandela  mester a pidi asistensia di un kran pa asina por a transportá e vehíkulo pa kas di e  doño. Daño material ta konsiderabel.