Bastante ta e miembronan di kuerpo polisial ku huntu ku nan Sindikato a bai Punda ayera pa papia ku minister di hustisia.
Willemstad,– Di otro banda mester bisa ku e otro sindikato di Polis ku ta SAP a sigui ku nan akshon ayera, kaminda for di oranan di mainta hopi ta e polisnan ku a presentá na e sede di SAP na SSK pa despues bai Punda pa para dilanti di porta di minister miéntras ku minister tabata reuniendo ku e dos otro sindikatonan.

Na momentu ku minister a kaba ku e dos otro sindikatonan, el a tende di parti di SAP tambe kiko ta nan puntonan ku nan kier mira atendé pa despues e splika ku e lo duna un kontestá den e próksimo dianan. SAP ta insistí ku nan no ta di akuerdo ku e manera kon minister di hustisia a trata ku nan. Nan ta keda insistí tambe ku mester atendé ku e posishon hurídiko di polisnan i tambe e lista di puntonan ku nan a entrega na minister. Vigilante a logra papia ku señor Amado Vilchez di SAP kende a bisa nos ku e trahadónan kier pa nan sindikato sigui nan mandato i konsekuentemente ta esaki nan lo hasi te na momentu ku minister atendé ku e trahadónan kier pa nan sindikato sigui nan mandato i konsekuentemente ta esaki nan lo hasi te na momentu ku minister atendé ku e trahadónan i duna nan lokual ku nan ta meresé.

Vilchez a keda pa yama Vigilante bek mirando ku e tabata drentando un reunion, pero e no a yama bèk i na momentu ku nos tabata tratando pa drenta den kontakto kuné, e no tabata kontesta nos yama pues kisas ainda e tabata den reunion.