13 kilo crystal meth den kas Rotterdam

53
droga na balor di mas di 1,3 mion euro konfiská
ROTTERDAM—Polis di Rotterdam a konfiská 13,2 kilo di crystal meth, 1,2 kilo di kokaina i 1500 euro den un apartamento den Kees Pijlstraat.

E habitante (35) di e kas a keda detené. Polis a haña diferente material ku ta usa pa produkshon i trafikashon di droga, manera materialnan di empake. Crystal meth ta un droga den forma di kristal ku ta bende riba merkado. Usuarionan por guli òf spuit e supstansia. Segun informashon di klinika di adikshon Jellinek tabata paga 100 pa 200 euro pa un gram di crystal meth den 2016. E preis supuestamente a baha.