20 aña kastigu pa asesinato partner pa kobra plaka seguro

118
sospechoso a mata amiga pa haña 300.000 euro di seguro
LELYSTAD—Pa asesinato di su partner na Surnam fiskal a pidi 20 aña kastigu kontra e hòmber di Amsterdam.

El a laga e dama atras riba un muraya kantu di riu na Surnam. Sea e dama a kai òf el a pusha e dama, segun Ministerio Públiko. Tur e akshonnan tabata dirigí pa e víktima fayesé asina e por a kobra e seguro di bida, segun fiskal djaweps den korte di Lelystad. Sharied S (37) tabata ku vakashon na Paramaribo ku su partner di Almere ora esaki a pèrdè den riu na Surnam 26 yüni 2015. E sospechoso a mèldu na polis ku e dama a kai den riu. El a bisa polis ku e dama tabata sinta riba rant di e riu, a bira malu i a drumi riba  e muraya. Ora el a bai oriná el a tende ku e dama a kai. Tres dia despues a bin haña e kurpa sin bida kantu di riu otro banda. Na mei 2015 e dama Aradhana (28) a sera un seguro di bida na balor di 300.000 euro. Dos siman prome ku su morto el a kambia e benefisiario pa sospechoso S, riba esaki su insistensia. Despues di e partner su orto el a purba kobra e seguro.