60 kilo kokaina den sentro di distribushon na Breda

65
e lote di kokaina tin balor di 3 mion euro
BREDA—Durante un kontrol den un sentro di distribushon den regio di Breda polis a bin haña un lote di 60 kilo di kokaina den un trùk di karga.

Polis a haña un tep ku un grupo kriminal ta usa e sentro di distribushon pa trese kontrabanda den Hulanda. Pa e motibu aki a hasi un kontrol. Durante e kontrol agentenan a haña diferente pakete di kokaina den un trùk di karga. E paketenan tabata den kahanan di banana. A konfiská e droga i destruí esaki. No tabatin detenshonnan. E kokaina tin un balor di alrededor di 3 mion euro riba kaya segun outoridatnan polisial.