Guaidó ta denunsiá outoridatnan a bai su kas pa interogá su kasá

102
Juan Guaidó.
CARACAS – E kabesante di Parlamento, lider opositor Juan Guaidó, kende a outo deklará su mes komo esun responsabel di kompetensianan ehekutivo komo presidente interino di Venezuela, a informá den oranan di ayera ku agentenan polisial a bai su kas i puntra pa su kasá, Fabiana Rosales, kende nan kier a interogá.

Guaidó a responsabilisá e gobièrnu di Nicolas Maduro pa seguridat di su famia i a indiká ku el a konosé e notisia danki na alerta di vários di su bisiñanan.Esaki a sigui indiká, ku ta evidente ku nan ta simplemente midiendo e kapasidat di reakshon i otro wega mas ta sali nan di malu. Esaki a sigui indiká ku el a bai su kas, ya esnan uniformá e bai for di e sitio.Guaidó a indiká ku na e momentu nan ei, solamente su yu muhé di 20 luna di bida tabata na kas, kompañá pa un wela.

E opositor a indiká ku e funshonarionan, ku a yega abordo di bròmernan i un vehíkulo i a identifiká nan mes komo miembronan di Forsa di Akshon Spesial, a puntra pa su kasá na e parti di seguridat di e kompleho.Den mesun rosea esaki a realisá otro yamada na funshonarionan polisial pa pega nan mes na un lei di amnistia, ku el a sanshoná algun siman pasá den Parlamento, i ku ta garantisá pordon na esnan ku desobedesé mandato di Maduro.

Algun minüt despues di e deklarashonnan aki, outoridatnan polisial, kua ta kontrolá e grupo ariba menshoná, a ninga via di nan kuenta di Twitter ku nan a intentá di interogá kasá di Guaidó.Guaidó mes a keda detené dia 13 último pa funshonarionan di servisio di inteligensia, na momentu ku e tabata akudí na un enkuentro habrí ku simpatisantenan di e estado di Vargas, serka di Caracas di unda e ta naturalmente.Na e momentu ei, el a keda liberá despues di mei ora ku el a keda retené. Segun e mes a bisa, aunke ku e gobièrnu di Maduro a detené e agentenan polisial responsabel, awor e ta mira ku ta un show falsu e tabata.