Kuater dominikano detené ku 90 kilo di kokaina

98
Tur esnan abordo tabata dominikanonan.

SAN JUAN – Agentenan di Warda Kosta di Estádos Unídos den kolaborashon ku otro agensianan federal, a detené kuater siudadano dominikano ku tabata transportá un total di 90 kilogram di kokaina den un embarkashon na altura di Arecibo, na munisipio na kosta nort di Puerto Rico.

Warda Kosta a informá via di un komunikado, ku e operashon a keda realisá den koperashon ku e grupo Interinstitushonal di Fronteranan di Karibe i ku e droga a keda hañá riba merkado ilegal na balor di 3 mion di dòler.

E komunikado a suprayá ku e detenshonnan, kua a keda realisá den oranan di djamars anochi, ta resultado di esfuerso di kolaborashon entre Warda Kosta, CBIG i Forsa di Atake di Karibe.

E operashon a inisiá despues ku un avion di Warda Kosta a detektá un embarkashon sospechoso pasando rápidamente, den oranan di anochi i kuater persona abordo. Inkluso a ripará ku esaki nan no tabata hasiendo uso di lusnan.

Warda Kosta di e sektor di San Juan a alertá agensianan federal ku presensia di esaki den e zona, unda a manda helikòpternan en buska di e embarkashon pa asina duna apoyo aéreo na e operashonnan di detenshon.

E unidat marítimo di e departamento polisial di Puerto Rico tambe a respondé i a apoyá e operashonnan di detenshon di e supuesto narkotrafikantenan.

Esaki nan ta siudadanonan dominikano, kende nan ta enfrentá un huisio di parti outoridatnan federal, i ku despues sigur lo keda mandá bèk pa nan lugá di orígen.