Minister Girigorie ta bisa ku ta un proseso ku tabatin 6 aña sin atendé kuné, i den seis luna huntu ku sindikatonan a logra solushoná esaki.
Willemstad,– Minister Quincy Girigorie ta bisa ku el a papia ku agentenan polisial i ku tin un grupo ku a pone trabou, pero e grupo ei su status no ta kla ainda. E ta bisa ku el a keda sorprendé ku e puntonan, paso un biaha pa luna e ta reuní ku mando di polis i tur kos ta kanando su kaminda.

Minister ta bisa ku ta un proseso ku tabatin 6 aña sin atendé kuné, i den seis luna huntu ku sindikatonan a logra solushoná esaki. E ta sigui bisa ku ta esaki ta e punto i a informá sindikatonan di esaki.

Minister ta bisa ku algun tempu pasa a reuní ku polisnan pa bisa nan ku e no ta bai reuní ku kada sindikato i konsekuentemente ta reuní tur luna ku e bloke di sindikato forma pa ABVO, SAP i NAPB. Pues pa loke ta posishon hurídiko di polis minister a bisa ku e ta ser atendé i ta den fase di solushon.

Pa loke ta e asuntu di 10% ku lo kòrta den salario, minister Girigorie a splika ku esaki ta mal informashon i no ta bèrdat.

Tambe e titular di hustisia a bisa ku tin tambe e punto di seguridat den kuerpo polisial i esaki tambe a keda atendé i tin un plan di seguridat ku ta den ehekushon i a pone fondo disponibel pa ehekutá e plan.

E ta bisa ku e komishon a keda reuní i dia 10 di yanüari último i a resultá ku tin algun punto ku a keda habri pa falta di fondo, pero ku entretantu e fondo tei pa traha riba esakinan.