E promé minister interino a bisa ku e wèlganan por ta koinsidensia, nan por ta estilo di efekto di dominio òf kisas tambe nan por ta konspirá, pero di tur manera e aktual gobièrnu no kier pa esaki bira un ‘issue’, gobièrnu kier pa koregí e lokual nan no ta bon.
Willemstad,– Minister Steven Martina a bisa ku gobièrnu no kier spekulá nada i ku gobièrnu ta traha pa yega na solushon di problemanan ku nan a bin haña. E ta bisa esaki basa riba e kantidat di wèlganan unu tras di otro.

E promé minister interino a bisa ku e wèlganan por ta koinsidensia, nan por ta estilo di efekto di dominio òf kisas tambe nan por ta konspirá, pero di tur manera e aktual gobièrnu no kier pa esaki bira un ‘issue’, gobièrnu kier pa koregí e lokual nan no ta bon. “Nos ta bayendo den transformashon i den un pais i esaki ta nifiká ku por tin inkietut, por tin motibunan pa wèlga, por ta koinsidensia ku nan ta tras di otro, pero kual sea ku nan ta, gobièrnu kier solushon”, asina promé minister interino señor Steven Martina a duna di konosé.