Qatar ta hasi historia despues di kombertí su mes den Kampeon dje kontinente di Asia

103
Fot chalaka: Hungada di luho na unda Almoez Ali (L-2) ta skor pa e selekshon di Qatar. Ali a nanse na Sudan pero for di mucha e la move ku su mayornan bai biba na Qatar. Awe e ta un dje héroe nan di e pais di Qatar.
 

EMIRATO ARABE,  – E selekshon di Qatar entrená pa e bondscoach spañó, Félix Sánchez Bas, a logra hasi historia djabièrnè pa loke ta futbòl mundial.

E selekshon di Qatar a hasi lo inimaginabel posibel, tur esaki despues di logra un viktoria kontundente den final dje Kopa Asia. 

Nan ta e kampeonnan nobo di Asia. Nan a logra nan promé titulo internashonal ganando di  Hapon ku skor di 3-1 pa loke tabata e final di Kopa Asia, porsierto ku a keda disputa na  Emirato Árabe Uni den un partido ku lo pasá pa historia pa e pais ku ta bai organisá e próksimo Mundial di futbòl na 2022.

Despues di años di trabou duru i invertí hopi plaka, awe e pais di Qatar por mira e promé frutanan keda kosecha.

Kosnan Importante dje históriko partido:

Hapon: Gonda; Sakai, Tomiyasu, Yoshida, Nagatomo; Shiotani (Ito, 84′), Shibasaki; Doan, Haraguchi (Muto, 62′), Minamino (Inui, 89′); Osako.

Qatar: Al Sheeb; Salman, Hassan, Pedro Miguel, Assim Madibo; Hisham, Khoukhi (Salem Al Hajri, 61′), Hatem; Khalid Al-Haydos (Karim Boudiaf, 73′), Akram Afif; Ali Almoez (Alaaeldin (90’+6′).

Golnan: 0-1, M.12: Almoez. 0-2, M.27: Hatem. 1-2, M.68: Minamino. 1-3, M.83: Afif (p).

Rèfri: Abdelkarim Hassan (Uzbekistán). E la duna karchi hel na  Shibasaki (20′), Yoshida (82′) y Sakai (87′) / Akram Afif (83′) i Pedro Miguel (92′).

Insidensianan: Final dje  Kopa di Asia 2019 disputa den stadion Sheik  Zayed (Abu Dabi).