Semifinal Copa Rey lo ta “ El Clasico” Real Madrid vs FC Barcelona

311
Fot schedule: Asina e sorteo di semifinal pa Copa Rey ku a tuma lugá ayera mèrdia den e stadion Benito Villamarín a keda. Pues nos ku gusta futbòl lo tin bónus pa mira dos “ Clasico” èkstra.

 

MADRID,  – FC Barcelona-Real Madrid i  Real Betis-Valencia ta e duelonan  ku lo bai tin den e semifinalnan dje Copa Rey 2018/19 despues di e sorteo ku a keda realisá djabièrnè mèrdia den e stadion  Benito Villamarín, porsierto ku lo bai ta e sede dje final dia  25  di mei próksimo.

E ekipo di FC Barcelona ku ta e vigente kampeon dje kompetishon ta buskando pa imponé un  rèkòrt nobo ganando e titulo pa sinku biaha den forma konsekutivo.

E plantel  blaugrana a eliminá den e rontnan previo ekiponan manera  Cultural Leonesa, Levante i Sevilla, den kaso último aki di un forma espektakular  biniendo di atras den partido ku a tuma lugá den  Camp Nou (6-1). Nan pèrdè e partido di Ida 2-0.

E ekipo di Real Madrid di su banda a superá Girona den e rònt di kuartfinal despues ku promé ku esaki nan a ganá di  Melilla i Leganés. E títulonan mas resiente dje ekipo blanku den Copa a keda logra  den e finalnan di  2007, 11 i 2013/14, porsierto tur dos kontra di Barça.

E partido di buèlta pa loke ta “el clásico” den Santiago Bernabéu bálido pa LaLiga 2018/19, lo bai tuma lugá   2 di mart próksimo.

Di otro banda  Real Betis a derota  Racing, Real Sociedad i Espanyol i ta espera pa ripití un título ku e la ganá pa último biaha na  2004/05, miéntras ku Valencia a eliminá den e  rontnan previo e ekiponan di CD Ebro, Sporting i Getafe, miéntras ku su último titulo den Copa Rey ta data for dje  temporada 2007/08.

E  partidonan di ida den e semifinalnan lo bai keda disputa dia 6 di febrüari, miéntras ku e enkuentronan di buèlta lo bai keda hunga dia  27 di febrüari. 

E  “clásico” nan di semifinal lo bai keda selebrá dianan  6 di febrüari den  Camp Nou i 27 di febrüari den  Bernabéu, miéntras den e otro semifinal e partido di ida lo den  Villamarín dia 6 di febrüari, i esun di buèlta lo ta den Mestalla dia 27 di febrüari.