SITEK a wanta akshon te próksimo aviso

314
Ku konvoinan a blòkia e vianan riba Schottegatweg.
Maestronan marchando ku nan bòrchinan direkshon di Ministerio di Enseñansa.
Willemstad- Ayera den oranan di mainta e akshon di SITEK a kontinuá kaminda maestronan di skol a reuní. Despues di esaki nan mester a drenta den konvoinan i kue direkshon di Schottegatweg kaminda a blòkia e vianan.
Momentu ku nan a yega na Ministerio di Enseñansa.

E maestronan mester a kuminsá ku nan manifestashon i a bai terminá na Ministerio di Enseñansa. Momentu kua yega einan a pidi si Minister Alcala-Walle por a atendé nan un ratu pero e no tabata presente. Nan mester a keda risibí pa su suplente. Nan tabata ke a entrega minister un karta pa klarifiká algun punto ku no ta kuadra kompletu.

Polis papiando ku Sr. Darius Plantijn splikando e un ke otro.

Ayera djabièrnè tabata e dia kaminda nan tabata warda e kontesta riba e desishon di promoshon di dosente A pa B pero esaki tampoko nan no a risibí e kontesta. Tambe pa loke ta trata limpiesa na skolnan tin un mal komprondementu pa loke ta trata komunikado di gobièrnu ku a sali. Kaminda ta deklará ku skolnan lo keda limpia den kual klasnan 3 bes i baño 2 bes. Esaki no ta kuadra. Djamars último kompanianan di limpiesa a hasi un inspekshon na skolnan i a hasi un limpiesa di emergensia na “algun” skol. SITEK lo sinta e wikènt aki ku su konseheronan pa evaluá e 3 dianan di akshon.•