5 luna kastigu pa trafikashon 3800 kilo kokaina

146
korte ta duna 5 luna só pa falta di prueba
ZWOLLE—Pa su ròl den kontrabanda di 3800 kilo di kokaina e sospechosonan di 41 i 57 aña a tende un kastigu di 5 luna den korte di Zwolle.

Ministerio Públiko a pidi 9 aña. E sospechosonan ta prosedente di Breda i Oosterhout. Den haf di Antwerpen duana a haña alrededor di 3800 kilo di kokaina den un konteiner den septèmber 2017. Mayoria kokaina a keda saka for di e konteiner mientras polis tabata opservá e ruta di e konteiner. E shofùr di 41 aña a transportá e konteiner for di haf di Antwerpen pa un lots na Breda. E sospechoso di 57 aña tabata doño di e lots. A detené e duo. Korte ta di opinion ku for di dokumentonan ta indiká ku e ròl di sospechosonan ta limitá. Korte a apsolvé e duo di komplisidat den kontrabanda di kokaina. Pasobra segun korte nan partisipashon tabata minimal i pasobra nunka antes nan a kai será e kastigu a baha konsiderablemente for di demanda di fiskal. OM sí a konsiderá komplisidat i a pidi 9 aña pa e shofur i 6 aña pa e doño di e lots. E duo sospechoso ta haña awor 9 luna kastigu di kua 4 luna kondishonal ku tempu di prueba di 3 aña.