A haña dama supuestamente sekuestrá den bon kondishon

141
momentu di e supuesto sekuestro
ROTTERDAM—Outoridatnan a haña e dama ku a keda fòrsá pa bai ku dos hòmber djárason anochi na Rotterdam.

Polis tabata teme ku a sekuestrá e dama i a publiká imagennan di kámara. Un testigu a duna polis tep riba e supuesto sekuestro. E testigu a mira ku nan a bai ku e damita riba Paul Krugerstraat. Riba imagennan di kámara por a mira tambe ku e hòmbernan a fòrsá e dama pa bai ku nan i a pusha esaki den outo. Ayera nochi polis a informá ku a haña e dama den bon kondishon. Investigashon intensivo di polis a kondusí polis na e lokalidat kaminda e damita tabata keda. Polis di Rotterdam no sa kiko a pasa ku e damita i ta den kombersashon kune.