Bon resultadonan finansiero pa institutonan di kuido

46
ganashi di 284 mion euro pa institutonan di kuido
AMSTERDAM—Institutonan di kuido a hasi mas ganashi den 2017 ku e aña anterior, segun sifranan di Ofisina di Estadistika CBS.

Nan a gasta mas plaka na gastunan di personal pero e entradanan a oumentá. Prinsipalmente kuido pa hende grandi a hasi mas ganashi. Kasnan di kuido, kuido na kas konhuntamente tabatin un pèrdida di 71 mion euro den 2016, pero den 2017 esaki a transformá den un ganashi di 284 mion euro. Otro sektornan grandi den kuido tambe tabatin bon resultado finansiero. Ta trata di hospitalnan, kuido mental i kuido pa desabilidat. Hospitalnan a hasi mas ganashi konhuntamente; 476 mion euro kompará ku 458 mion den 2016. Gastunan di personal a subi ku promedio 1,7% den 2017. Esaki debí ku a traha ku mas trahadónan di uitzendburo. E gastunan a krese ku 16%. Salarionan di trahadónan permanente a subi ku 1,2%. No ta un sorpresa ku institutonan a duna bon resultadonan finansiero den 2017. 2016 tabata un aña pisá pa e sektor debí na adaptashon di kontratonan kolektivo. Nan mester a paga un kompensashon ku forsa retroaktivo. Pa e motibu aki nan a hiba pèrdida den 2016.