Na suela splikando ku a dale kabu di pistol den kabes.
Willemstad—- Polis mester a bai riba Cubaweg pa un kaso di intento di asesinato i tambe
maltrato.

Den oranan di mardugá Polis mester a bai riba Cubaweg pa algun bishitantenan indeseá ku mester a kore drenta kura di hende. Mesora polis a bai na e sitio pa asina por a kuminsá ku e investigashon. Despues di un búskeda kòrtiku polis a bin topa ku e dos hòmbernan. E hòmbernan a splika ku nan tabata na un establesimentu riba Cubaweg i na dado momento a bin haña nan den problema ku un hòmber. E hòmber aki na dado momento mester a saka un arma di kandela i a dal un di nan ku e kabu di e arma den su kabes. Esaki segun e víktimanan no tabata basta ora ku e mester a kuminsá los bala den nan direkshon pone ku nan mester a kore pa nan bida. Nan a logra di kor drenta kura di hende pa asina por a haña lugá di skonde. Polisnan a keda enkargá ku e demas investigashon na e sitio.