Jordan Martis i Queensheny Lourens ta embahadornan di Parada Tiner 2019

453
Willemstad——-Den un Kleine Werf karga ku ambiente i kolo a keda eligí nos embahadornan ku lo bai karga nos Parada di Tiner 2019.

Un elekshon kaminda ku 4 Duo Rei i Reina Tiner a duna tremendo show, pues e kompetensia tabata fuerte. Despues di tres presentashon, Presidente di Hurado sr. Angelo Virginie a duna e resultado final.

 

 

 

 

Rei Amistoso Tiner 2019 a bai pa Chandel Beker. Reina Simpatia Tiner 2019 a resultá, Nayeli Olbino. Trahe Mas Impaktante Tiner 2019 a bai pa Duo no. 1, Dievenier Hamen i Quiarah Paulina. Premio Preparado Tiner 2019 a bai pa Sendley Goedgedrag.

Komo di tres finalista Tiner 2019 a bai pa Duo no. 3, Junny Pieter i Roxenia Rozal, di dos finalista a resultá Duo no. 2, Chandel Beker i Nayeli Olbino. I promé finalista a keda Duo no. 1, Dievenier Hamen i Quiarah Paulina.

Duo Rei i Reina Tiner 2019 ganadó apsoluto a bai pa Duo No. 4, Jordan Martis i Queensheny Lourens, kende nan tambe a bai ku e premionan di Duo Mas Dinámiko, Mas Popular, Tiner Talento i Trahe Mas Kreativo.Loke a resaltá e anochi aki ta e trahenan traha kompletamente di Crepe Papier.Pabien na tur e 4 duonan ku sigur a demostrá ku nos hóbennan ta yen di talento.