OM ta konfiská vehíkulo luhoso di sospechoso na korte

123
Ferrari konfiská
AMSTERDAM—Hustisia a konfiská un vehíkulo luhoso ku un sospechoso tabata bin korte kune último simannan.

E hòmber ta sospechoso den un kaso di trafikashon di droga i por sigui e proseso penal den libertat. Pero hustisia a duda ora e sospechoso tabata bin korte diariamente ku un vehíkulo karu. Polis, munisipio i servisio Belasting a start un investigashon konhunto riba e hòmber. Mesora a tuma nota ku e outo ta riba nòmber di otro hende. E persona tabatin mas outonan di luho riba su nòmber, segun Ministerio Públiko. Ta trata di vehikulonan Ferrari, Mercedes i Audi. A konfiská tur e outonan. Na momentu ku a purba konfiská e Ferrari, un hende a purba kore bai kune. Tambe a konfiská e Aston Martin ku e sospechoso tabata kore. Tin un investigashon riba e otro persona tokante labamentu di plaka. Kontra e sospechoso den korte fiskal a pidi un kastigu di 6 aña pa trafikashon di droga.