Dama riba skuter ta kore bai dal tras di pikòp

126
Willemstad—– Polis i tambe e personal di ambulans mester a bai riba Kaminda Hensley Meulens pa un aksidente unda un dama manehando un skuter  tabata envolví i a sufri leshon.

A pidi presensia di ambulans ku urgensia pa presentá riba Kaminda Hensley Meulens na unda un dama manehando un skuter mester a kore bai dal pega tras di un pikòp pa despues bai kai i a leshoná su mes. No ta konosí kiko por tabata e motibu ku e dama ku tabata manehando e skuter a bai pega tras di e pikòp. A transportá e dama pa Poli miéntras Forensys a keda enkargá ku e aksidente.