Despues di e yamada di atrako polis a yega rápidamente na e sitio.
Willemstad— Ta parse manera e dianan aki ku e atrakadónan ta mek pisa riba e trùk di pan nan pa asina por haña un tiki plaka.

Djadumingu den oranan di mardugá a pidi presensia di Polis ku urgensia na e trùk di pan Komelon situá riba Winston Churchillweg. Tabata algu pa kuater ku dos tipo mester a baha for di un vehíkulo kolo shinishi ku a yega para den aria di e trùk di pan. A tuma nota ku un di tres persona mester a keda sinta tras di stür den e vehíkulo. E duo aki bou di menasa a logra di kore drenta patras di e trùk di pan na unda bou di menasa di arma di kandela a kue tur e plaka di benta bai kuné. Despues di nan akto nan a kore drenta e vehíkulo ku tabata para warda nan i a hui bai for di e sitio. Polis a tuma deskripshon pa asina kuminsá ku un búskeda den e aria miéntras e tim di atrako a keda enkargá ku e investigashon.