Kuater hòmber ta maltratá un suidadano formalmente

Den kura di kas na Sta Rosa

544
Willemstad— Un kaso di maltrato formal polis ta investigando ku a tuma lugá den un kura di kas den Kaya Matrimonial.

Djasabra den oranan di atardi un unidat di Polis a keda dirigí pa Kaya Matrimonial pa un kaso di maltrato formal. Na yegada na e sitio indiká polis a bin topa ku un hòmber na suela den un plas di sanger. E víktima tabatin vários kap na su kabes. For di investigashon realisá a bin sali na kla ku kuater tipo kara tapa mester a presentá na e adrès i mesora a kore drenta den e kura di kas. Dos di nan a bai riba e habitante unda a kuminsá ku un diskushon miéntras e otro dosnan mester a bai na un vehíkulo ku tabatin stashoná den e kura di kas i a kuminsá listra den e bahul. No ta konosí si  a logra di kue kos for di den e bahul bai kuné. E tiponan aki dado momento a kuminsá maltratá e suidadano di un forma formal pa despues a bai lag’é den un estado basta kritiko atras. Ku ambulans a transportá e víktima pa Poli na unda esaki a keda interná den e parti di kuido intensivo. Por a komprondé ku den oranan di mardugá algun tipo a bolbe regresá na e mesun adrès. Polis ta investigando e kaso di maltrato severo aki.