Mas ku 40 polis riba piket kostando mas ku 1 mion florin pa aña

683

 

Willemstad,– Informashonnan verídiko ku Vigilante ta disponé di dje ta indiká ku na e momentunan aki pa dia tin mas ku 40 polis ku ta ‘ter beschikking’ i di kual kada unu ta kobra 75 florin pa dia i tambe kada unu tin un outo na nan disposishon.
Un konde breve ta mustra ku ta trata aki di 3 mil i piku florin pa dia pa esnan ku tin pikèt i ku ta suma mas ku un mion florin pa aña.
Apesar di esaki por tuma nota di e diferente wèlganan ku ta tumando lugá pa motibu di pago di sèn di parti di gobièrnu i hasta kaminda ta para limpiamentu di skol.
E pregunta mesora ta surgi ku kon por ta posibel ku ta bis ano tin sèn pa limpia skol i ta paga kasi un mion na salario pa polisnan ku tin pikèt i tambe ta bisa ku no tin ni sèn pa hinka gasolin den e propio outonan di polis. Vigilante a buska kontakto ku e titular di hustisia señor Quincy Girigorie, pero esaki no a duna resultado.