Pirnan di piskadó na Awa di Kabakuchi falta di mantenshon

218
Caracasbaai- Algu ku sigur mester tuma akshon pa kuné ta e pirnan di piskadó na Awa di Kakabuchi esta Caracasbaai.

 

Esakinan sigur falta di mantenshon i den un estado hopi deplorabel. Hopi ta e piskadónan ku ta hasi uzo di e pirnan aki pa nan por mara nan boto ku nan ta gana nan pan di kada dia kuné piskando. Vigilante a kombersá ku un piskadó i ku e la bisa ta diferente biaha Domeinbeheer ta bin serka nan i ta altura di e situashon. Tambe ku nan a keda pone na altura ku e pirnan ta ilegal asta a pone un bòrchi na e sitio. Den mesun rosea a bai pa buska ken ta doño di e pirnan pa asina nan por registranan. Diferente di e pirnan falta di mantenshon i tin di nan asta ta den un situashon deplorabel. Ya ta 2 pa 3 aña pasa a primintí ku lo hasi algu pa nan, tur biaha di nobo ta bin i papia pero nada no ta keda hasi. Tambe a splikanan  ku doño di un hotèl den bisindario tabata bai drecha esaki pa nan, pero lástimamente e persona aki a fayesé. I ku awor Domeinbeheer mester akudí serka esun ku a keda na enkargo pa wak kiko lo bai hasi. Tin hende ku tin pir einan pa mas di 20 aña kaba i hopi di nan ta piskamentu ta trese nan pan di kada dia. Spera ku por tuma akshon pa asina atendé e situashon aki apesar di ta un mahos bista, hopi di esnan ku tin nan boto mara einan ta biba di piskamentu.