Polis ta buska hòmber pa eksploshon di bankomátiko

305
Willemstad—- Polis riba òrdu di Ministerio Públiko ta pidi búskeda di e sospechoso Xiorendly Francisco Favier Jeandor, mihó konosí komo “Xioren” nasé na Kòrsou di 27 aña di edat i ta biba na Jan Kok.
E sospechoso ku Polis ta buskando awor aki pa eksploshon di e bankomátiko.

Xiorendly ta wòrdu buská komo sospechoso di a kometé e siguiente krímennan:

  •  Eksploshon;
  •  Destrukshon;
  •  Ladronisia bou di sirkunstansianan pisá;
  •  Intento di ladronisia bou di sirkunstansianan pisá.

Polis ta supliká tur hende ku por duna kualke informashon tokante di Xiorendly, pa tuma kontakto ku polis na e number di telefòn 917 òf na e number anónimo 108. Ta sospecha e hòmber aki di dos kaso di eksploshon na bankomátiko separá. E promé ta riba e bankomátiko di Maduro & Curiels Bank unda a bai ku e plaka i tambe e destrukshon formal ku a ser kousa siman pasa na tantu e bankomátiko di Banko di Caribe komo e Botika na Tera Kòrá.