Rigo Thode: Partidonan ku ta obedesé Hulanda nunka lo por traha ku partidonan ku ta traha pa pais Kòrsou

184
Willemstad,– Señor Rigo Thode miembro di direktiva di partido MFK ta splika ku e partidonan ku ta obedesé Hulanda nunka lo por traha ku e partidonan ku ta traha pa pais Kòrsou. Rigo ta bisa ku MFK kual ta e partido ku e ta pertenesé na dje i di kual e ta parti di direktiva, hamas i nunka lo dobla.

Rigo ta bisa ku por sera nan tur di MFK, pero reforma polítiko ta bini sea na bon of na malu. E ta splika ku Hulanda a bringa un guera di 80 Fransia i Spaña pa su soberania kaminda hopi hulandes oropeo a muri i nan a logra nan propósito.

“Nos tambe lo logra paso e sekuas nan ei lo no por MFK na rudia”, asina e miembro di direktiva di e partido MFK a duna di konosé.

Rigo Thode ta sigui splika ku ora bo ta goberná un pais, bo mester bini ku solushonnan i si bo no por, ta nifiká ku bo mester stòp di goberná i bai kas. E ta puntra ku ta ku awor ku gobièrnu a pega tur kos nan ke pa oposishon yuda? Thode ta bisa e partidonan di koalishon ku si nan ke pa oposishon yuda, nan lo mester bai wak banda di e partidonan PS i KdNT, No MFK.