STIMA ku charla tokante estadia di imigrantenan

74
Willemstad,– Dia 10 di febrüari próksimo e Fundashon STIMA ta ofresé un atardi di informashon grátis, tokante di e leinan di estadia pa emigrantenan na Kòrsou. E charla lo tuma lugá na Biblioteka Publiká Nashonal, entre 4:00 p.m. i 7:00 p.m.

E oradó na e okashon aki lo ta e hurista Valerie Navas, di e kantor di abogado IMC Law. Navas ta asesor hurídiko spesialisá den derechonan di imigrashon.

E personanan ku ta interesá pa asistí na e charla aki, lo tin posibilidat di manda nan preguntanan adelantá pa medio di un mensahe privá riba e página di facebook di e Fundashon ku ta STIMA@stimacuracao, òf tambe por manda e preguntanan pa e presidente di e fundashon señor Glenn Emmanuelson, vía WhatsApp 527-7388.

Fundashon STIMA ta un fundashon ku ta dediká na promové e multikulturalidat i e integrashon riba nos isla, pa medio di diferente aktividat.