Atrako den trùk di pan riba Caracasbaaiweg

A bai ku vehíkulo ku ta pertenesé na e kompania

537
Willemstad— Polis mester a bai na otro trùk di pan e biaha aki riba Caracasbaaiweg pa un kaso di atrako arma.

Tabata na e trùk di pan Eet Smakelijk ku dos tipo arma mester a kore drenta e negoshi i menasa e trahadónan. E tiponan aki a logra di poderá di e pertinensha di e trahadónan i tambe algu di sèn.  Tambe durante nan huida nan a drenta den un vèn di e trahadónan ku tabata stashoná den banda di e negoshi i a bai ku esaki. Tabata den oranan di dia a bin haña e informashon ku e vèn mester ta stashoná bandoná den aria di Skèrpènè. Polis a bai na e sitio indiká unda enbèrdat a bin haña e vèn prosedente di atrako kual mesora a keda konfiská.